ჟურნალისტების პროტესტი მთავრობას - პრემიერ-მინისტრს სხდომაზე ზურგი აქციეს
უკრაინელი ჟურნალისტების ჯგუფს სამთავრობო შეხვედრებზე დასწრება აუკრძალეს. ეს მას შემდეგ მოხდა, რაც მედიის ათმა წარმომადგენელმა მთავრობის სხდომაზე სამთავრობო კაბინეტისადმი პროტესტი უჩვეულო ფორმით გამოხატა: ჟურნალისტებმა მდუმარე საპროტესტო აქცია მოაწყვეს და პრემიერ-მინისტრს ზურგი აქციეს. ისინი ამ ფორმით ორ კოლეგაზე მომხდარ თავდასხმას აპროტესტებდნენ, რომელიც მინისტრების შეხვედრის დროს მოხდა. უკრაინის პრემიერ-მინისტრმა ჟურნალისტებისთვის აკრედიტაციის გაუქმება მოითხოვა.