პეკინის ქუჩებში ტოქსიკური ნისლი ჩამოწვა
პეკინის ქუჩებში სქელი სმოგი ჩამოწვა, რომელიც ზამთრის დადგომასთან ერთად გათბობის სისტემების ამუშავებამ გამოიწვია. ტოქსიკური სმოგი ჩინეთის ჩრდილოეთ, აღმოსავლეთ და ცენტრალურ რაიონებში ვრცელდება. ჰაერის გაწმენდა ქარზეა დამოკიდებული, რომელიც მეტეოროლოგიური პროგნოზის თანახმად, კვირის ბოლოს არის მოსალოდნელი. მსგავსი პრობლემა ჩინეთში შარშანაც წარმოიშვა. ჩინეთში გათბობის სისტემები ძირითადად ქვანახშირზე მუშაობს და ეს ქვეყანა მსოფლიოში პირველ ადგილზეა სათბურის ტოქსიკური აირების გამოყოფის მხრივ.