ტაილანდის მთავრობა ოპოზიციის აქციებს ცრემლსადენი გაზითა და წყლის ჭავლით არბევს
ბანგკოკში მთავრობის წინააღმდეგ მიმდინარე აქციები არეულობებში გადაიზარდა მას შემდეგ, რაც მომიტინგეებმა პრემიერ-მინისტრის რეზიდენციის აღება სცადეს. როგორც ცნობილი გახდა, დაჭრილია აქციის რამდენიმე ათეული მონაწილე. ბანგკოკის სასამართლომ ოპოზიციის ლიდერის, სუტეპ ტაუგსუბანის დასაკავებლად ორდერი გასცა. იგი სახელმწიფო არეულობის მცდელობაშია ბრალდებული. დემონსტრანტები საპროტესტო აქციებით კორუმპირებული მთავრობის გადადგომას მოითხოვენ.