მექსიკელმა დეპუტატმა სიტყვით გამოსვლისას გაიხადა - პალიტრა ვიდეო

მექსიკის კონგრესის ქვედა პალატამ ოთხშაბათს მიიღო კანონპროექტი, რომელიც უცხოელ ინვესტორებს ენერგეტიკული ობიექტების შესყიდვის უფლებას აძლევს. ხმის მიცემამდე კანონპროექტს მწვავე განხილვა და ოპოზიციის პროტესტი მოჰყვა. ინსტიტუციურ-რევოლუციური პარტიის წევრმა ლანდი ბერსუნსამ ოპონენტთან, დემოკრატიულ-რევოლუციური პარტიის წევრ კარენ კიროხასთან იჩხუბა. დეპუტატი ქალები გააშველეს, თუმცა ბერსუნას თვალი დაუზიანდა.

კიდევ ერთი ოპოზიციონერი დეპუტატის საქციელმა კი ყველა მოლოდინს გადააჭარბა: ანტონიო გარსია კონეჰომ პროტესტის მიზნით გაიხადა და ტრუსების ამარა განაგრძო სიტყვით გამოსვლა. მისი თქმით, ამ საქციელით სურდა ეჩვენებინა, სადამდე შეიძლება მივიდეს ქვეყანა, კანონის მიღების შემთხვევაში.