ეგვიპტეში მიმდინარე არეულობებს მსხვერპლი მოყვა
ეგვიპტეში მიმდინარე არეულობებს პარასკევს რამდენიმე ადამიანის სიცოცხლე ემსხვერპლა. დაკავებულია 260 ისლამისტი. რამდენიმე დღის წინ, ეგვიპტის მთავრობის მიერ ტერორისტულ ორგანიზაციად გამოცხადებულმა და ქვეყანაში აკრძალულმა ორგანიზაცია "მუსლიმთა საძმომ" ქალაქების ქუჩებში საკუთარი მომხრეები გამოიყვანა. ქაიროში ახალი შეტაკებები მოხდა ისლამისტური უნივერსიტეტის სტუდენტებს და პოლიციას შორის, რომელმაც ახალგაზრედების წინააღმდეგ ცრემლსადენი გაზი გამოიყენა. რიგ ქალაქებში ისლამისტებს მოძრაობის გადაკეტვა სურდათ, თუმცა, ძალოვანმა სტრუქტურებმა მათი მცდელობა აღკვეთეს.
მომზადებულია euronews.net-ის მიხედვით
მომზადებულია euronews.net-ის მიხედვით