იუშენკოს თქმით, უკრაინული ოპოზიცია ხელისუფლების მოპოვებისთვის იბრძვის და არა ქვეყნის განვითარებისთვის - პალიტრა ვიდეო

"უკრაინის ოპოზიცია მაიდანზე ხელისუფლების მოპოვებისთვის იბრძვის და არა ქვეყნის განვითარებისთვის" - ამის შესახებ ჟურნალისტებს უკრაინის ყოფილმა პრეზიდენტმა, ვიქტორ იუშენკომ განუცხადა.

ექსპრეზიდენტი მიიჩნევს, რომ ოპოზიცია ვერ აკონტროლებს მაიდანს და ვერ ახერხებს მომიტინგეების მოთხოვნა დააკმაყოფილოს ხელისუფლებასთან მოლაპარაკების დროს.

მისივე შეფასებით, დღეს ოპოზიცია უფრო აქტიურადაა ჩართული "ხელისუფლებისთვის ბრძოლაში", ვიდრე "ქვეყნის სტრატეგიული კურსის" შემუშავებაში.