უკრაინელმა მღვდელმა სეპარატისტების ბლოკპოსტები აკურთხა - პალიტრა ვიდეო

უკრაინაში მართლმადიდებელმა მღვდელმა ლუგანსკის ბლოკპოსტები აკურთხა. ინფორმაციას ამის შესახებ ლუგანსკის თვითგამოცხადებული სახალხო რესპუბლიკის პრესსამსახური ოფიციალურ საიტზე ავრცელებს. მღვდელმა "სამხრეთ-აღმოსავლეთის გაერთიანებული არმიის" მებრძოლებიც დალოცა.

შეგახსენებთ, უკრაინის გენერალურმა პროკურატურამ თვითგამოცხადებული "ლუგანსკის სახალხო რესპუბლიკა" ტერორისტულ ორგანიზაციად გამოაცხადა. უწყების ინფორმაციით, ტერორისტულ ორგანიზაციას გააჩნია მკაფიო იერარქია და დაფინანსება; ასევე - არხები, რომლებითაც მათთვის იარაღის მიწოდება ხდება. პროკურატურის განცხადებით, ორგანიზაციები შექმნილია ადამიანებზე თავდასასხმელად, მათ დასაშინებლად, დივერსიების, ტერორისტული აქტების განსახორციელებლად და ადამიანთა სალიკვიდაციოდ.

ასევე იხილეთ: ლუგანსკის კულტურის მინისტრი - ირინა ფილატოვა