"ჭკვიანი" სახლის სისტემა, რომლის მართვა ხმით შეიძლება - პალიტრა ვიდეო

პატარა ჰოლანდიურმა კომპანიამ პროექტი Homey შეიმუშავა, რომელიც სახლის ხმოვანი ბრძანებებით მართვის შესაძლებლობას იძლევა.

პროექტის სადემონსტრაციო ვიდეოში ნაჩვენებია, როგორ რეაგირებს იგი მფლობელის თხოვნაზე. ადამიანი მიმართავს მოწყობილობას: "ჰოუმი, Star Trek-ის ნახვა მინდა". უმალვე მოსდევს პასუხი: "სუბტიტრებით თუ მის გარეშე?" შემდეგ სახლში სინათლე ქრება, ჟალუზები ეშვება, სახლის კინოთეატრი ირთვება და ეკრანზე სერიალი იწყება.

ავტორები ირწმუნებიან, რომ Homey ფაქტობრივად ყველა მოწყობილობას აამუშავებს, რომლებასც Bluetooh და Wi-Fi აქვთ. ენთუზიასტების მიერ შექმნილი პროექტი ამჟამად Kickstarter-ზე დაფინასესებას აგროვებს.