ბრაზილიაში მეწყერმა 25 სახლი დაანგრია
ბრაზილიის ქალაქ ნატალში მეწყერის ჩამოწოლის შედეგად სულ მცირე, 25 სახლი მთლიანად დაინგრა. სტიქიის შედეგად არავინ დაშავებულა, რადგან ადამიანების ევაკუაცია წინასწარ განხორციელდა. რამდენიმე ათეული ოჯახი უსახლკაროდ დარჩა. ბოლო ორი დღე-ღამის განმავლობაში ქალაქში, სადაც ფეხბურთის მსოფლიო ჩემპიონატის მატჩები მიმდინარეობს, ნალექის თვიური ნორმა მოვიდა.