წყალდიდობა ბულგარეთში: მდინარეებად ქცეული ქუჩები და მსხვერპლი ქალაქ ვარნაში - პალიტრა ვიდეო

ძლიერი წვიმებით გამოწვეული წყალდიდობის შედეგად ბულგარეთის ქალაქ ვარნაში 11 ადამიანი, მათ შორის, ხუთი წლის ბავშვი დაიღუპა. ქალაქში საგანგებო მდგომარეობაა გამოცხადებული.

ვარნას ქუჩებში მდინარეები მოედინება. დატბორილია საცხოვრებელი სახლები. შესაბამის სამსახურებს სახლებში ჩარჩენილი ადამიანები გამოჰყავთ. ასობით ოჯახი ელექტროენერგიისა და სურსათის გარეშეა დარჩენილი. ათობით ავტომობილი წყალმა წაიღო.

ძლიერი წვიმა და სეტყვა ბულგარეთის ბევრ რაიონში მოდის. სინოპტიკოსების პროგნოზით, უამინდობა კვირის ბოლომდე შენარჩუნდება.