გერმანელმა ასტრონავტმა ამერიკელ კოლეგებს თავები გადაპარსა, როცა გერმანიის ნაკრებმა ამერიკას მოუგო
გერმანელმა ასტრონავტმა ალექსანდრ გერსტმა კოლეგებს თავი მას შემდეგ გადაპარსა, რაც ბრაზილიაში მსოფლიო ჩემპიონატის მატჩის დროს გერმანიის ნაკრებმა ამერიკის ნაკრებს მოუგო. ასტრონავტები დანაძლევდნენ: იმ შემთხვევაში, თუ აშშ-ს ნაკრები გერმანიისას მოუგებდა, ამერიკელებს გერსტისთვის შუბლზე აშშ-ს პატარა დროშა უნდა დაეხატათ. თუ გამარჯვება გერმანელ ფეხბურთელებს ერგებოდათ, მაშინ NASA -ს ორივე ასტრონავტს თავი უნდა გადაეხოტრა. საბოლოოდ მატჩი, რომელიც ქალაქ რესიფიში სტადიონ "პერნამბუკოზე" გაიმართა, გერმანელების სასარგებლოდ ანგარიშით 1:0 დამთავრდა.