ვიდეო კოსმოსიდან: ულამაზესი სანახაობა ბრაზილიის თავზე გადაფრენისას - პალიტრა ვიდეო

ევროპული კოსმოსური სააგენტოს ასტრონავტ ალექსანდრ გერსტს, რომელიც საერთაშორისო კოსმოსური სადგურის ბორტზე იმყოფება, საინტერესო ფოტოების გადაღება და მათი სოციალურ ქსელებში გამოქვეყნება უყვარს. ამჯერად, ასტრონავტმა დედამიწის მცხოვრებლებს Timelapse-ვიდეო გამოუგზავნა.

ერთწუთიან ვიდეოში, საერთაშორისო კოსმოსური სადგურის სიმაღლიდან ბრაზილია და ატლანტის ოკეანეა ასახული. ვიდეომასალა გადაღებულია მაშინ, როდესაც საერთაშორისო კოსმოსურმა სადგურმა აღნიშნულ ტერიტორიას დედამიწის ზედაპირიდან 400 კმ სიმაღლეზე, 28 800 კმ/სთ სიჩქარით გადაუფრინა.