როგორ აღწერს მომაკვდავი მეცნიერი უცხოპლანეტელებს, რომლებთანაც მისი თქმით კონტაქტი ჰქონდა - პალიტრა ვიდეო

აეროკოსმოსური კორპორაციის ყოფილმა თანაშრომელმა ბოიდ ბუშმანმა აღიარა, რომ პირადად უნახავს უცხოპლანეტელები. მომაკვდავმა მეცნიერმა, უცნაური ვიდეო გადაიღო, რომელშიც ამტკიცებს, რომ იცის რა ხდება საიდუმლოებით მოცულ ზონა 51-ზე, რომელიც ნევადის შტატში მდებარეობს. მან აღნიშნა, რომ ამ ადგილას უცხოპლანეტელები და მათი საფრენი აპარატი მდებარეობს. თვითონ ბუშმანი, კორპორაცია Lockheed Martin-ის მეცნიერ-მკვლევარი იყო, რომელიც მრავალი გამოგონების ავტორადაა მიჩნეული.

მეცნიერის თქმით, არსებობს უცხოპლანეტელების ორი ჯგუფი. "წარმოვიდგინოთ რანჩო. ერთი ჯგუფი მოგვაგონებს მორჩილ მუშებს, ხოლო მეორე - საქონლის ქურდებს. ზოგიერთი უცხოპლანეტელის ასაკი 230 წელია. აღსანიშნავია, რომ ე.წ. მუშები ჩვენ მიმართ უფრო მეგობრულად განწყობილები არიან" - აცხადებს ვიდეოში ბუშმანი. ბოიდის თქმით, "ისინი დაახლოებით, 1,3-1,5 მეტრის სიგრძისანი არიან და სამი ხერხემალი აქვთ, რომლებიც ხრტილებისგან შედგება, მათი თითები ადამიანისას გავს, თუმცა, გაცილებით უფრო გრძელია".

შეგახსენებთ, ეს არ არის პირველი შემთხვევა, როდესაც კორპორაცია Lockheed Martin-ის თანამშრომლები აღიარებენ, რომ ფირმა უცხოპლანეტელების კვლევით არის დაკავებული. რამდენიმე ხნის წინ, კორპორაციის თანამშრომელმა ბენ რიჩმა განაცხადა, რომ Lockheed Martin სუპერტექნოლოგიებს ფლობს, რომელთა დახმარებითაც გალაქტიკათაშორის მოგზაურობებს აწარმოებენ.

საინფორმაციო პორტალი ამბები.გე