ტყუპების მისია: NASA გენეტიკურ კვლევებს იწყებს
NASA უნიკალური ექსპერიმენტისთვის ემზადება, რომლის მიზანია ადამიანის ორგანიზმის ქცევის შესწავლა კოსმოსში ხანგრძლივი ყოფნის დროს. კვლევის ცენტრში - ტყუპები სკოტ და მარკ კელები არიან, რომელთა დნმ ფაქტობრივად იდენტურია. სკოტი საერთაშორისო კოსმოსურ სადგურზე გაემგზავრება, სადაც ერთ წელს გაატარებს, მისი ძმა მარკი კი დედამიწაზე დარჩება. შედეგად, მკვლევარები შეძლებენ შესწავლას, კოსმოსში ხანგრძლივი ყოფნა რა გავლენას იქონიებს ადამიანის ჯანმრთელობასა და ფსიქოლოგიურ მდგომარეობაზე.