ადამიანი, რომელმაც პირველად ნახა ინტერნეტი - პალიტრა ვიდეო

82 წლის შვედი ბებოს ცხოვრება თავდაყირა დადგა, როცა მან ინტერნეტი პირველად გამოიყენა. კერსტინ ვოლგერსმა "სკაიპს", "ინსტაგრამს", "ტვიტერს" "გემო გაუსინჯა", Google-ის დახმარებით ბევრი საინტერესო რამ მოძებნა და Reddit-ის მომხმარებლების 2400 კითხვაზე პასუხის გაცემაც მოასწრო.

ამ დრომდე მხცოვან შვედს კომპიუტერი არასოდეს გამოუყენებია. მიუხედავად ამისა, მან კომპანია MyNewsDesk-ის ექსპერიმენტში მიიღო მონაწილეობა, აიღო კამერა, პლანშეტი, სმარტფონი და 5-დღიანი გამოცდა გაიარა.

მას შემდეგ, რაც მოხუცმა 100-ზე მეტი "ტვიტი" გააგზავნა, Instagram-ზე 39-ჯერ დაპოსტა და YouTube-ზე Gangnam Style ნახა, აღიარა, რომ ბევრი დაკარგა, როდესაც ტექნოლოგიების მიღწევებს არ აღიარებდა და ამიერიდან აქტიური მომხმარებელი გახდება.