ბრაზილიელი დეპუტატი პარლამენტში პორნოს ყურებისას გამოიჭირეს
ბრაზილიელი დეპუტატი ჟოაო როდრიგესი პარლამენტის შენობაში მობილურ ტელეფონზე პორნოს ყურებისას გამოიჭირეს. სოციალ-დემოკრატიული პარტიის წარმომადგენელი ამ დროს საარჩევნო რეფორმაზე დებატებზე იმყოფებოდა. ამასთან, პოლიტიკოსი პორნოს მარტო არ უყურებდა - იგი სურათებს და ვიდეოს კოლეგებს აჩვენებდა. ინციდენტის კომენტირებისას, მამაკაცმა ჟურნალისტებს განუცხადა, რომ ვიდეო მან "შემთხვევით" პროგრამა WhatsApp-ის საშუალებით მიიღო.