პარიზში ხიდიდან "სიყვარულის ბოქლომები" ჩამოხსნეს
პარიზი ერთ-ერთ ცნობილ ღირსშესანიშნაობას დაემშვიდობა. დედაქალაქის მერიამ გადაწყვიტა, ჩამოეხნა ხიდზე ათასობით ბოქლომი, რომელიც სიყვარულის სიმბოლოს წარმოადგენდა. დემონტაჟი ორშაბათს დაიწყო და ერთ კვირას გასტანს. მთავრობის თქმით, ბოქლომები, რომლებიც ხიდს ამშვენებენ, 45 ტონას იწონის, რის გამოც ერთი წლის წინ სიმძიმის გამო ერთ-ერთი მოაჯირი მდინარე სენაში ჩავარდა კიდეც.