გაფრთხილებთ, ამ ვიდეოს ნახვა გაგიჭირდებათ - ისტორია 14 წლის უმამაცეს ბიჭზე, რომელსაც კანი სძვრება - პალიტრა ვიდეო

"პეპელა ბიჭუნა" - ასე უწოდებენ 14 წლის ჯონათან პიტრეს მისი იშვიათი გენეტიკური დაავადების გამო. Epidermolysis bullosa-ს  მთელ სხეულზე სითხით სავსე ბუშტუკები და კანის გადამეტებული სიმყიფე ახასიათებს. ჯონათანი კანადაში ცხოვრობს. ბიჭი მუდმივად ტკივილს განიცდის, ვინაიდან მისი კანის 90% ბებერებით არის დაფარული და ისეთი შესახედაობა აქვს, თითქოს ბიჭუნას მესამე ხარისხის დამწვრობა ჰქონდეს.

ტკივილი აუტანლად მტანჯველია, ბავშვს მუდმივად გულისრევა აწუხებს და ღამით დაძინებას ვერ ახერხებს. ჯონათანის დედა, 35 წლის თინა ბოილუ ბიჭს ყოველდღე სახვევებს უკეთებს, რათა იგი ინფექციისგან დაიცვას.