"სულზე იფიქრეთ, სანამ კითხვას დამისვამთ" - მიტროპოლიტი VS კიევის ახალი პატრული
კიევის საპატრულო პოლიციის თანამშრომლებმა კიევ-პეჩორის ლავრის მიტროპოლიტი პაველი გააჩერეს, რომლის მძღოლმაც საგზაო მოძრაობის წესები დაარღვია. პოლიციელებმა მიტროპოლიტი, რომელიც ტაძარში ელიტური, S-კლასის Mercedes-ით მივიდა, გააჩერეს. სასულიერო პირმა პატრულს ჰკითხა, დადიან თუ არა ისინი ეკლესიაში. "ეკლესიაში იყავით? სულზე იფიქრეთ, სანამ კითხვას დამისვამთ... თქვენი ბიჭუნა არ ვარ, აქ რომ ვიდგე" - ეუბნება იგი პოლიციელებს. როდესაც პოლიციელებმა შეატყობინეს, რომ მისმა მძღოლმა საგზაო წესები დაარღვია, მან უპასუხა - "არა უშავს. დიდება ღმერთს".