loader

"თუ ხალხს სურს, რომ ვიყო უკრაინის პრეზიდენტი, ამისთვის მზად ვარ" - ნადეჟდა სავჩენკო - პალიტრა ვიდეო

მთავარი ყველა ვიდეო საავტორო ტექნოლოგიები ახალი ამბები საზოგადოება შოუბიზნესი მოზაიკა სპორტი ვიდეოგაკვეთილები მსოფლიო მნიშვნელოვანი ინფორმაცია PALITRANEWS სხვადასხვა

"თუ ხალხს სურს, რომ ვიყო უკრაინის პრეზიდენტი, ამისთვის მზად ვარ" - ნადეჟდა სავჩენკო

უკრაინელი მფრინავი ნადეჟდა სავჩენკო უკრაინის პრეზიდენტობისთვის მზად არის. ამის შესახებ უკრაინული მედია იტყობინება. სავჩენკოს თქმით, ის გახდება ქვეყნის ლიდერი, თუ ხალხი ამას მოისურვებს.

"მე ფრენა მინდა, მაგრამ თუ ხალხს სურს, რომ ვიყო პრეზიდენტი, ამისთვის მზად ვარ", - განაცხადა სავჩენკომ.

მისივე თქმით, იგი უპირველეს ყოვლისა, სხვა უკრაინელი სამხედროების გათავისუფლების საკითხით დაკავდება, რომლებიც უკრაინის აღმოსავლეთში უკანონოდ დააკავეს. სავჩენკომ განაცხადა, რომ იგი მზად არის, ასევე, თვითგამოცხადებული დონეცკისა და ლუგანსკის მთავრობებთან თანამშრომლობისთვის, თუ ეს ხელს შეუწყობს ტყვედ ჩავარდნილი უკრაინელი სამხედროების გათავისუფლებას.

სავჩენკომ კომენტარი გააკეთა უკრაინის აღმოსავლეთში მიმდინარე ომზეც და აღნიშნა, რომ ეს არ არის სამოქალაქო ომი, ეს არის რუსეთ-უკრაინის ომი.

რუსეთში ნადეჟდა სავჩენკოს 2 ჟურნალისტის მკვლელობის ბრალდებით 22-წლიანი პატიმრობა ჰქონდა მისჯილი, თუმცა რამდენიმე დღის წინ იგი რუსულმა მხარემ უკრაინას გადასცა.