ერევანში პოლიციის შენობაში შეჭრილი შეიარაღებული პირებიდან 2 პოლიციას ჩაბარდა - პალიტრა ვიდეო

ერევანში პოლიციის შენობაში შეჭრილი შეიარაღებული პირებიდან 2 პოლიციას ჩაბარდა. ამის შესახებ ინფორმაციას რუსული საინფორმაციო სააგენტო "ინტერფაქსი" ავრცელებს. სააგენტოს ცნობით, შეიარაღებულებიდან 2 დაიჭრა და ისინი საავადმყოფოში არიან გადაყვანილები. პარალელურად ვრცელდება საპირისპირო ინფორმაცია იმის შესახებ, რომ პოლიციის შენობაში შეჭრილები პოლიციას არ ნებდებიან და საპატრულო შენობის მიმდებარე ტერიტორიაზე სროლის ხმა ისმის. გავრცელებული ცნობები ოფიციალურად ამ დრომდე არ დასტურდება.