თურქეთში მომხდარ აფეთქებას 3 ადამიანი ემსხვერპლა
3 დაღუპული და 40 დაშავებული, - ასეთია თურქეთში, ვანის პროვინციაში მომხდარი აფეთქების შედეგი. ადგილობრივი მედიის ცნობით, პოლიციის შენობასთან თავდასხმა ტერორისტებმა დანაღმული ავტომობილის საშუალებით განახორციელეს. პოლიცია მსხვერპლისა და დაშავებულების რაოდენობის ზრდას ვარაუდობს. მომხდარზე პასუხისმგებლობა ამ დრომდე არც ერთ დაჯგუფებას არ აუღია.