ლეონარდო და ვინჩის აქამდე უცნობი ნახატი, რომელიც 15 მილიონ ევროდ შეაფასეს
საფრანგეთში Tajan-ის აუქციონის სახლმა ლეონარდო და ვინჩის აქამდე უცნობი ნახატი გამოფინა. სურათი სხვა ნამუშევრებთან ერთად პარიზელმა პენსიონერმა ექიმმა სხვენში, ძველ ნივთებში აღმოაჩინა და შესაფასებლად ექსპერტებთან მიიტანა. დადგინდა , რომ ნახატი სახელად „ხეზე მიჯაჭვული წმინდა სებასტიანი“ დავინჩის ეკუთვნის და 1480-იან წლებში დახატა. 15 მილიონ ევროდ შეფასებული ნამუშევრის შეძენა კერძო კოლექციონერისთვის შეუძლებელია. საფრანგეთის კულტურის სამინისტროს გადაწყვეტილებით, მისი ყიდვა მუზეუმებს შეუძლიათ. ექსპერტები ვარაუდობენ, რომ უნიკალურ ნამუშევარს ლუვრი შეიძენს.