რუსი ტელეწამყვანი პირდაპირ ეთერში აწვდის ინფორმაციას დედის სახლში ჩატარებული ჩხრეკის შესახებ
28 თებერვალს რუსმა სამართალდამცველებმა ჟურნალისტისა და უფლებადამცველის, ზოია სვეტოვას საცხოვრებელ ბინაში ჩხრეკა ცაატარეს. ისინი ხოდორკოვსკის და "იუკოსის" საქმესთან დაკავშირებით დოკუმენტაციას 11 საათის განმავლობაში ეძებდნენ, თუმცა, ვერაფერი აღმოაჩინეს. გავრცელებული ინფორმაციით, მათ წაიღეს სვეტოვას კუთვნილი კომპიუტერი, პლანშეტი და ტელეფონი "ნოკია". ფაქტი რუსულმა მედიამ გააშუქა. მათ შორის არხმა RTVi-მ, რომლის წამყვანი - ზოია სვეტოვას ვაჟი, ამ დროს ნიუ-იორკის სტუდიაში იჯდა და ონლაინ რეჟიმში მაყურებელს ინფორმაციას აწვდიდა.