მონაზვნის ფორმებში გადაცმულმა ქალებმა ბანკი გაძარცვეს
პენსილვანიის პოლიცია მონაზვნის ფორმებში გადაცმულ ორ შეიარაღებულ ქალს ეძებს. ”როიტერის” ინფორმაციით, სასულიერო პირების ფორმაში გადაცმული მძარცველები ტენერვილის ბანკში დღისით შეცვივდნენ და თანამშრომლებს იარაღის მუქარით ფული გამოსძალეს. სამართალდამცველებმა ფაქტის ამსახველი ფოტოები გაავრცელეს, რომლებიც ბანკის კამერებმა დააფიქსირა. პოლიცია მოქალაქეებს სიფრთხილისკენ მოუწოდებს, რადგან ორივე მათგანი შეიარაღებულია.