როგორ გამოიყურება ლვოვის სასტუმრო, სადაც მიხეილ სააკაშვილი დროებით ცხოვრობს - პალიტრა ვიდეო

ოდესის ექსგუბერნატორი მიხეილ სააკაშვილი უკვე მესამე დღეა ლვოვშია და თანამოაზრეებთან ერთად სამომავლო გეგმებზე მსჯელობს. მიხეილ სააკაშვილი და მისი თანმხლები პირები ლვოვში ერთ-ერთ პრესტიჟულ და ძვირად ღირებულ სასტუმრო "Leopolis"-ში გაჩერდნენ.

როგორც booking.com-ზე ვკითხულობთ, სასტუმრო "ლეოპოლისი" ლვოვის ცენტრში მდებარეობს. სასტუმროდან სამი წუთის სავალზეა ლვოვის ოპერის თეატრი და ქალაქის კიდევ რამდენიმე ღირსშესანიშნაობა. აღსანიშნავია, რომ "ევრო 2012"-ის დროს ამ სასტუმროში იყო განთავსებული უეფას შტაბბინა.

2010 წელს სასტუმრომ დაიმსახურა World Travel-ის პრემია ნომინაციაში "უკრაინის საუკეთესო სასტუმრო".