რა ხდება ირანში 2017 წლის ყველაზე დამანგრეველი მიწისძვრის შემდეგ - პალიტრა ვიდეო

ირანის დასავლეთით, პროვინცია კერმანშაჰში მომხდარი მიწისძვრის შედეგად, გარდაცვლილთა რაოდენობა 400-ს აჭარბებს, დაშავებულთა რიცხვი კი 7 000-მდეა, - ამის შესახებ კრიზისულ სიტუაციათა სამსახურის ოფიციალურმა წარმომადგენელმა განაცხადა.

მისი ინფორმაციით, დაღუპულთა რაოდენობა 407 ადამიანს შეადგენს. ადგილობრივი მედიის ცნობით, ძლიერი მიწისძვრის შემდეგ 152 "ავთერშოკი" დაფიქსირდა.

ირან-ერაყის საზღვარზე 7,2 მაგნიტუდის სიმძლავრის დამანგრეველი მიწისძვრა კვირას, საღამოს მოხდა. მიწისქვეშა ბიძგები სხვა ქვეყნებშიც იგრძნობოდა, მათ შორის - ქუვეითში, არაბთა გაერთიანებულ საემიროებსა და ისრაელში.