loader

ისტორიული შეხვედრა - ჩრდილოეთ კორეის ლიდერი სამხრეთ კორეას ეწვია - პალიტრა ვიდეო

მთავარი ყველა ვიდეო საავტორო ტექნოლოგიები ახალი ამბები საზოგადოება შოუბიზნესი მოზაიკა სპორტი ვიდეოგაკვეთილები მსოფლიო მნიშვნელოვანი ინფორმაცია PALITRANEWS სხვადასხვა

ისტორიული შეხვედრა - ჩრდილოეთ კორეის ლიდერი სამხრეთ კორეას ეწვია

ფხანმუნჯის სასაზღვრო პუნქტზე ჩრდილოეთ კორეის ლიდერ კიმ ჩენ ინსა და სამხრეთ კორეის პრეზიდენტ მუნ ჩჟე ინს შორის ისტორიული შეხვედრა გაიმართა. სადემარკაციო ხაზზე ორი ქვეყნის ლიდერებმა ერთმანეთს ხელი ჩამოართვეს. კიმ ჩენ ინი ჩრდილოეთ კორეის პირველი ლიდერი გახდა, რომელიც 1953 წლიდან სამხრეთ კორეას ეწვია.

ორი ქვეყნის ლიდერების შეხვედრა მშვიდობის სახლში გაიმართა. ჩრდილოეთ კორეის ლიდერმა სპეციალურ წიგნში ჩანაწერი დატოვა.

"დღეს ისტორიაში ახალი ეპოქა იწყება: მშვიდობის ეპოქა", - დაწერა კიმ ჩენ ინმა.

კიმ ჩენ ინის თქმით, ის დარწმუნებულია, რომ მოლაპარაკებები სამხრეთ კორეის პრეზიდენტთან კარგ და მნიშვნელოვან შედეგებს გამოიღებს.

"ჩვენ აქ მოვედით იმის იმედით, რომ ორ კორეას შორის ურთიერთობებში ახალ ფურცელს გადავშლით. დარწმუნებული ვარ, რომ შევძლებთ, კონსტრუქციული დიალოგი წარვმართოთ პრეზიდენტ მუნ ჩჟე ინთან", - განაცხადა მან.

თავის მხრივ, სამხრეთ კორეის პრეზიდენტმა მუნ ჩჟე ინმა კიმ ჩენ ინს მოუწოდა, ერთად დაამყარონ მშვიდობა და კეთილდღეობა კორეის ნახევარკუნძულზე.