კომპიუტერული თამაშის ონლაინ ტურნირის წაგების შემდეგ, მამაკაცმა გასართობ ცენტრში ცეცხლი გახსნა, მერე კი თავი მოიკლა - პალიტრა ვიდეო

ქალაქ ჯექსონვილის გასართობ ცენტრში გახსნილი სროლის შედეგად 2 ადამიანი დაიღუპა, 11 კი დაიჭრა. ამის შესახებ "ბი-ბი-სი" წერს. ტრაგედია კვირას, კომპიუტერულ თამაშ "მედენ 19"-ში გამართული ონლაინ ტურნირის დროს მოხდა. როგორც ჯექსონვილის პოლიციაში აცხადებენ, შეჯიბრის მონაწილე 24 წლის დევიდ კაცმა წაგების შემდეგ გარშემო მყოფებს ცეცხლი გაუხსნა, მერე კი თავი მოიკლა. ადგილზე პოლიცია და სპეცრაზმი იყო მობილიზებული. სამართალდამცველები მომხდარის მიზეზების დადგენაზე მუშაობენ.