სასახლე ვარციხეში, რომელიც 1 342 000 ლარად იყიდება - პალიტრა ვიდეო

მთავრობა, პროექტის "50 ქონება შენი სასტუმროსთვის" ფარგლებში, ანანოვების ყოფილი სასახლის გასხვისებას გეგმავს. სახელმწიფო ქონების ეროვნული სააგენტოს ცნობით, ობიექტი ელექტრონულ აუქციონზე ჯერ არ გამოუტანიათ, თუმცა მის გაყიდვასთან დაკავშირებით მოლაპარაკებები მიმდინარეობს.
მეცხრამეტე საუკუნეში აშენებული სასახლე ბაღდათის რაიონის სოფელ ვარციხეში მდებარეობს.
საუბარია 73 500 კვადრატული მეტრი ფართობის გასხვისებაზე, სადაც ინვესტორს სასტუმროს აშენების ვალდებულება ექნება.

ობიექტის ღირებულება 1 342 000 ლარს შეადგენს.