28 დაღუპული და 50 დაშავებული - ქაიროში სარკინიგზო სადგურზე მატარებელს ცეცხლი გაუჩნდა
სარკინიგზო კატასტროფა ქაიროს სადგურში - ეგვიპტის დედაქალაქ ქაიროს სარკინიგზო სადგურზე მატარებლის ლოკომოტივზე გაჩენილი ხანძრის შედეგად 28 ადამიანი გარდაიცვალა, 50 კი დაშავდა. დაშავებულთა უმრავლესობის მდგომარეობა მძიმეა. მანევრირებადი თბომავალი, ჯერჯერობით დაუდგენელი მიზეზით, სადგურიდან 5 კილომეტრში მდებარე დეპოდან გამოვიდა და დიდი სიჩქარით შეეჯახა პლატფორმას. ლოკომოტივს ცეცხლი გაუჩნდა. ცეცხლი სხვა ლიანდაგებზე მყოფ სარკინიგზო შემადგენლობებზეც გადავიდა.