ჯასტინ ბიბერმა და ჟურნალისტმა ერთმანეთს აგინეს
კანადელ მომღერალ ჯასტინ ბიბერსა და ჟურნალისტებს შორის სიტყვიერი დაპირისპირება მოხდა. თინეიჯერების კუმირი ლონდონში სასტუმროდან გამოდიოდა, როდესაც გარეთ რამდენიმე პაპარაცი დახვდა. ერთ-ერთმა, რომელსაც, როგორც ჩანს, მისი გაღიზიანება სურდა, ბიბერს შეაგინა. მომღერალმა შეურაცხყოფა არ მოითმინა და ჟურნალისტს სიტყვა შეუბრუნა. ვარსკვლავმა და პაპარაცმა რამდენიმე "თბილი" სიტყვის გაცვლა მოასწრეს, თუმცა საქმეში მალევე ჩაერია დაცვა და ბიბერი შემთხვევის ადგილს გაარიდა.