სოფო გელოვანი და ნოდიკო ტატიშვილი ევროვიზიის გახსნის ოფიციალურ ცერემონიაზე - პალიტრა ვიდეო

მალმეს ოპერის სახლში ევროვიზიის სიმღერის კონკურსის გახსნის ოფიციალური ცერემონია გაიმართა. წითელ ხალიჩაზე 58-ე ევროფესტივალის კონკურსანტებმა და დელეგაციებმა გაიარეს. წვეულებაზე იმყოფებოდა საქართველოს დელეგაციაც.

ევროვიზიის ქართველი კონკურსანტები, სოფო გელოვანი და ნოდიკო ტატიშვილი, სიმღერით "Waterfall" მაყურებლის წინაშე ევროფესტივალის მეორე ნახევარფინალურ საღამოზე 16 მაისს წარსდგებიან. ისინი მე-15 ნომრად იმღერებენ. სოფოს და ნოდიკოს ბექ-ვოკალისტები შვედი მომღერლები: იოჰანა ბეიბომი, ჰანს მარტინ კაგემარკი და ლიზეტე ვარეს იუჰლმენი არიან.

ქართველი მონაწილეების სასცენო დადგმა ცნობილ რეჟისორს, ლაშა ონიანს ეკუთვნის. საკონკურსო სიმღერა "Waterfall" ქართველებისთვის შვედმა კომპოზიტორმა ტომას ჯეისონმა (Thomas G: son) შექმნა. ტომას ჯეისონი 2012 ევროფესტივალის გამარჯვებული სიმღერის, „Euphoria”-ს ავტორია.

რიგით 58-ე ევროვიზიის სიმღერის კონკურსის ნახევარფინალებსა და ფინალს შვედეთის ქალაქი მალმე 14, 16 და 18 მაისს უმასპინძლებს. წელს კონკურსში 39 ქვეყანა მონაწილეობს.

წყარო: eurovision-georgia.ge

იხილეთ ინგლისური ვერსია