"გვცემენ, ჩვენ კი დავფრინავთ" - ალა პუგაჩოვას ანტიპუტინური კლიპი შეუქმნეს - პალიტრა ვიდეო

მომღერალმა ალა პუგაჩოვამ ცოტა ხნის წინ 65 წლის იუბილე აღნიშნა. ამასთან დაკავშირებით მან სიმღერა გამოუშვა, სახელწოდებით Нас бьют, мы летаем ("გვცემენ, ჩვენ დავფრინავთ").

მოგვიანებით, ამ სიმღერაზე ინტერნეტში ვიდეოც გაჩნდა, რომლის შინაარსმაც დიდი აჟიოტაჟი გამოიწვია: კლიპი სექსუალური უმცირესობების მხარდამჭერი ხასიათისაა. მასში ნაჩვენებია, როგორ სცემენ და ამცირებენ ასეთ ადამიანებს რუსეთში. რუსული მედია ალაპარაკდა, რომ პრიმადონა ქვეყნის პრეზიდენტს დაუპირისპირდა, რომელიც ანტი-გეი კანონის ინიციატორია. როგორც მოგვიანებით გაირკვა, ვიდეორგოლი ფანებმა შექმნეს და მას პუგაჩოვასთან კავშირი არ აქვს.