ტურისტს რიჩარდ გირი მაწანწალა ეგონა და პიცა უყიდა - პალიტრა ვიდეო

42 წლის ფრანგ ტურისტს რიჩარდ გირი მაწანწალა ეგონა და პიცა უყიდა. ტურისტს, უბრალოდ, სიკეთის გაკეთება სურდა, როდესაც ქუჩაში შემხვედრ "უსახლკაროს" გადაეყარა. მაწანწალა ჰოლივუდის ვარსკვლავი რიჩარდ გირი აღმოჩნდა, რომელიც მორიგი ფილმის გადაღებებზე იმყოფებოდა. ტურისტი კარინ გომბიუ პიცერიიდან გამოდიოდა, როდესაც ნაგვის ურნასთან მდგომი მამაკაცი დაინახა, რომელიც იქიდან ნარჩენებს იღებდა და ჭამდა. ამ სურათის ნახვის შემდეგ კარინმა მას საკუთარი პიცა შესთავაზა და ბოდიში მოუხადა, რადგან პიცა ცივი იყო.

"დიდი მადლობა. ღმერთმა დაგლოცოთ," - უპასუხა მსახიობმა. ისტორია ასეც დამთავრდებოდა, მეორე დღეს ქალს საკუთარი თავი გაზეთების ფურცლებზე რომ არ ეხილა.