კანიე უესტმა ეტლით მოსარგებლეებს მოუწოდა, ამდგარიყვნენ და ეცეკვათ - პალიტრა ვიდეო

სიდნეიში, კანიე უესტის კონცერტზე უსიამოვნო ინციდენტი მოხდა. 37 წლის მომღერალმა სიმღერა Good Life-ის შესრულების დროს ფანებს მიმართა, რომ არ გააგრძელებდა სიმღერას იქამდე, სანამ ყველა ფეხზე არ ადგებოდა. ამ მოწოდებით რეპ-შემსრულებელმა ორ ახალგაზრდას მიმართა, რომლებიც ეტლში ისხდნენ. დარბაზში მყოფებმა ვარსკვლავს მხარი აუბეს, მოუწოდეს ახალგაზრდებს, ამდგარიყვნენ და ეცეკვათ, რათა შოუ გაგრძელებულიყო. როდესაც ერთ-ერთმა ახალგაზრდამ ჟესტებით მიანიშნა პროტეზზე, კანიემ უხერხულად იგრძნო თავი და თქვა: "კარგი, ყველაფერი რიგზეა".

თუმცა ამით ყველაფერი არ დამთავრებულა. როცა უესტმა დაინახა, რომ მეორე ახალგაზრდა, მიუხედავად თხოვნისა, ჯერ კიდევ იჯდა, მას მიმართა: "ამდენი ხანი არასდროს დამჭირვებია ლოდინი, რომ კონცერტი გამეგრძელებინა". ამის შემდეგ რეპერმა დაცვის წევრი გაგზავნა, რათა დარწმუნებულიყო, რომ ბიჭს მართლაც არ შეეძლო გადაადგილება. როდესაც პირადმა მცველმა დაადასტურა, კანიემ კონცერტი განაგრძო.