ნუცა ბუზალაძისა და ილო ბეროშვილის მიერ დადგმულმა ინდურმა ”კინომ” ჟიური ჩააბჟირა
ტელეკომპანია ”იმედის” ეთერში ”ორი ვარსკვლავის” მორიგი ტური შედგა. კონკურსანტებმა ამჯერად მსოფლიო ხალხთა სიმღერები წარმოადგინეს. ნუცა ბუზალაძისა და ილო ბეროშვილის წყვილმა არჩევანი ინდურ სიმღერაზე შეაჩერა. ნომერმა მაყურებელი და ჟიური ერთხმად აღაფრთოვანა, რადგან ნუცასა და ილოს დუეტმა მათი გული არა მარტო ვოკალური შესაძლებლობებით, არამედ დრამატულობითაც მოიგო. ამას დაემატა ილოს სამსახიობო ოსტატობა, რომლის წყალობითაც მან ინდური კინოს ფრაგმენტები პირდაპირ სცენაზე გააცოცხლა. თეონა კონტრიძემ წყვილს სუპერვარსკვლავები უწოდა.