რობერტ დე ნირო თბილისში - საარქივო კადრები 1987 წლის ვიზიტიდან
ამერიკელი მსახიობი რობერტ დე ნირო 1987 წელს თბილისს ეწვია. ამერიკელმა ვარსკვლავმა საქართველოში ქალიშვილი და პატარა ვაჟიც ჩამოიყვანა. როგორც მსახიობის ერთ-ერთი მასპინძელი, რეჟისორი ელდარ შენგელაია იხსენებს, ქართველმა მასპინძლებმა სტუმარს არამხოლოდ თბილისი მოატარეს, მას გელათისა და ბაგრატის ტაძრებიც დაათვალიერებინეს. ვიზიტის დროს დე ნირომ ქართული კინოსა და თეატრის მსახიობებს მასტერკლასი ჩაუტარა.