ამერიკელმა სენატორმა აღიარა, რომ სექსუალური ძალადობის მსხვერპლია და ჟურნალისტებთან ატირდა - ქმარი სცემდა, მეგობარმა კი კოლეჯში გააუპატიურა
ამერიკელმა სენატორმა ჯონი ერნსმა ჟურნალისტებთან საკუთარ მძიმე ისტორიაზე ისაუბრა. მან თქვა, რომ ყოფილი ქმარი მასზე ფიზიკურ და ფსიქოლოგიურ ზეწოლას ახორციელებდა და სტუდენტობისას, კოლეჯში მეგობარმა მამაკაცმა გააუპატიურა. საუბრის ბოლოს სენატორმა ემოციები ვერ შეიკავა. თუმცა, ინტერვიუში აღნიშნა, რომ ის ყოველთვის მხარს უჭერდა ძალადობის მსხვერპლ ადამიანებს და თავისი ამბის გაცხადებით არაფერი შეცვლილა, გარდა იმისა, რომ ახლა იმაზე მეტი ვიცით მის შესახებ, ვიდრე 1 კვირის წინ ვიცოდით.