X
"Это Грузины, გენაცვალე" - ქართველების მორიგი გამოსვლა რუსულ КВН-ში, რომელმაც ქართველები აღაშფოთა
15:18 / 19-04-2017
საქართველოს მხიარულთა და საზრიანთა ნაკრები რუსულ КВН-ში ბოლო წლებია აქტიურად მონაწილეობს. ქართველი "კავეენშიკები" რუსეთში 2007 წლიდან დადიან, 2012 წელს ნაკრები განახლდა და ამ შემადგენლობას უკვე ორი პრიზი აქვს - გასულ წელს პრემიერ-ლიგის ჩემპიონები გახდნენ და Голосящий КиВи́Н-ის ჯილდოც აიღეს.

ქართველმა მხიარულებმა და საზრიანებმა ტრადიცია არც წელს დაარღვიეს და მათი მონაწილეობით შოუს მერვედფინალი რუსეთის "პირველი არხის" ეთერში 16 აპრილს გავიდა. ქართული ცეკვა, სიმღერა ქართულ მუსიკაზე რუსული ტექსტით, შიგადაშიგ ქართული სიტყვები და კავკასიური აქცენტი - ამ გამოსვლაშიც ქართველებმა კარგად ნაცადი ძველი "ხრიკები" გამოიყენეს. ამავე გამოსვლაში, საქართველოს ნაკრების დასახმარებლად ცნობილი ბალერონი ნიკოლოზ ცისკარიძე გამოვიდა, რომელიც ქართულად მიესალმა მონაწილეებს და მაყურებელს.

ერთ-ერთი სიმღერა, რომელსაც მისასალმებელ გამოსვლაში საქართველოს ნაკრები მღერის, მათივე თქმით, "ერთ ცნობილ ქართველზეა". აი, სიმღერის ტექსტიც:

"დრო მოვიდა, ოდესელები მოეშვან... თბილისში იყო მთავარი, ოდესაში არის მთავარი. მიშკა, ფუმფულა მიშკა, ვერავინ გაიგებს, კიდევ სად გაფრინდება ის..." - მღერიან ქართველები.

წინა წლების მსგავსად, КВН-ის ქართველმა მონაწილეებმა რუსი მაყურებლის გული მოიგეს, რასაც ვერ ვიტყვით ქართველ მაყურებელზე - "ფეისბუქში" ქართველი "კავეენშიკების" ვიდეოს მძაფრი რეაქციები მოჰყვა:

"გაგანია CCCP-ია"; "ისევ საბჭოთა შაბლონზე ვზივართ"; "სამარცხვინოები"; "ასეთი უთავმოყვარეო რანაირად უნდა იყო ადამიანი?"; "სირცხვილი და თავის მოჭრა. ყველა განზომილებით. ფუჰ" - წერენ სოციალური ქსელის მომხმარებლები ვიდეოს კომენტარებში.
ბოლო სიახლეები
Autoplay
პოპულარული
"გოგონებს მთაში იტაცებენ, მათ მეგობარ მამაკაცებს კი, ზღვაში გარდაცვლილებს პოულობენ" - რუსი ტურისტი ქალის შოკისმომგვრელი ისტორიები აფხაზეთიდან
კარგად დააკვირდით: ეს არ არის ფოტო
კადრები, რომელიც ცხადყოფს, რომ ხატია ბუნიათიშვილსა და ორლანდო ბლუმს შორის სერიოზული აღარაფერი ხდება
სააკაშვილის მიერ სარკეში გადაღებული პირველი სელფი ინტერნეტჰიტად იქცა (გამოხმაურებები)
ქართველი გოგონას მიერ დადგმული ცეკვა ქორწილში, რომელმაც მაყურებელი აღაფრთოვანა
რუსი პრანკერების სკანდალური ჩანაწერი, სადაც ისინი თითქოსდა, საქართველოს შს მინისტრს სააკაშვილზე ესაუბრებიან
"მთელი ჩემი ცხოვრება მოქმედებაა და არ კვდება" - შინაიდ ო'კონორი აცხადებს, რომ ოჯახმა მიატოვა და თვითმკვლელობაზე ფიქრობს
ფულის ცვენა სომხურ ქორწილში