"ამხელა გზა ფეხით გამოიარა, მაგარი კაცია" - როგორ ცდილობდა მამაკაცი, საცობში სასწრაფოსთვის გზა გაეთავისუფლებინა
სოციალურ ქსელში გავრცელდა ვიდეო მინაწერით: "მთელი დღეა საცობში გვიწევს სიარული, მაგრამ ის, რაც დღეს საღამოს ამ ადამიანმა გააკეთა, სწორედ რომ თვითშეგნების საოცარი მაგალითია. ადამიანი, რომელმაც დაინახა, რომ სასწრაფოს გზას არ უთმობდნენ, საკუთარი მანქანა სხვას გადააბარა და თითქმის ორი კილომეტრი ფეხით ცდილობდა, ჩვენთვის გზა გაეთავისუფლებინა...ისე დავემშვიდობეთ, ვინაობაც კი არ გვითხრა. მადლობა თქვენ, უცნობო ძალიან მაგარო და კეთილო ადამიანო".