X
სამართალდამცველებმა ალექსიძის ქუჩაზე რუსეთის მოქალაქის ძარცვის ფაქტზე 3 პირი დააკავეს
10:23 / 13-09-2017
შინაგან საქმეთა სამინისტრომ თბილისში, ალექსიძის ქუჩაზე მომხდარი ძარცვის ფაქტი გახსნა. შს სამინისტროს ინფორმაციით, სამართალდამცველებმა რუსეთის მოქალაქის ძარცვის ფაქტზე 3 პირი დააკავეს.

"შსს-ს თბილისის პოლიციის დეპარტამენტის ვაკე-საბურთალოს სამმართველოს თანამშრომლებმა, ჩატარებული ოპერატიულ-სამძებრო და საგამოძიებო მოქმედებების შედეგად, წინასწარი შეთანხმებით ჯგუფის მიერ ძარცვის ბრალდებით სამი პირი: 1980 წელს დაბადებული ჯ.ჩ. 1989 წელს დაბადებული დ.ქ. და 1986 წელს დაბადებული გ.გ. დააკავეს.

გამოძიებით დადგინდა, რომ ბრალდებულებმა მიმდინარე წლის 7 სექტემბერს თბილისში, ალექსიძის ქუჩა N1-ში რუსეთის ფედერაციის მოქალაქე ა.ხ. გაძარცვეს და შემთხვევის ადგილიდან მიიმალნენ. პოლიციამ სამივე ბრალდებული თბილისში დააკავა. სამართალდამცველებმა ბრალდებულების პირადი და საცხოვრებელი სახლის ჩხრეკის შედეგად დანაშაულებრივი გზით დაუფლებული თანხის ნაწილი, 3550 აშშ დოლარი, 700 ევრო და 550 ლარი ნივთმტკიცებად ამოიღეს.

დაკავებულები ჩადენილ დანაშაულს აღიარებენ. გამოძიება წინასწარი შეთანხმებით ჯგუფის მიერ ძარცვის ფაქტზე მიმდინარეობს (საქართველოს სსკ-ის 178-ე მუხლის მე-3 ნაწილის "ა" და "დ" ქვეპუნქტებით და მე-4 ნაწილის "ბ" ქვეპუნქტით)", - ნათქვამია შს სამინისტროს ინფორმაციაში.
ბოლო სიახლეები
Autoplay
პოპულარული
"ხორუმი" "ზებრაზე" - როგორ გადადიან ქართველები გზაზე
"ყველაზე უინტერესოდ მეჩვენება მოწყენილად ჯდომა" - ბავშვი, რომელსაც უნდა იცნობდეთ
"მეც ვიტყვი, ხომ შეიძლება, რამდენი ხანია მინდა ამის თქმა საჯაროდ" - მაია ასათიანი საიდუმლოს ამხელს
"თუ არ შეწყვეტ გოგონებთან ხელების ფათურს, ჩამოვალ და ცემაში გაგხევ" - ცნობილმა რეპერმა კონცერტი მოულოდნელად შეაჩერა
"H&M"-ს არ სცხვენია ესეთი რაღაც?" - ქართველმა მოქალაქემ მაღაზიის მიერ ტროტუარის გადაკეტვა გააპროტესტა
ნახეთ, როგორი იქნება მსოფლიოში პირველი მოტივტივე ქალაქი
"რაღაც მომენტში ვიფიქრე, ეს თუ იყო ოჯახი..." - ზურა ხაჩიძე პირადზე საუბრობს 
"მიდი, ყოჩაღ!" - სასტიკი კადრები ძაღლების ჩხუბიდან