შეჯახების შედეგად ბოლიდი ნამსხვრევებად იქცა
ამერიკაში, ტეხასის შტატში მიმდინარე რბოლის დროს შემზარავი ავარია მოხდა. "ინდიანაპოლის 500"-ის სამგზის გამარჯვებულის, დარიო ფრანკიტის მანქანა მოსახვევში ჯებირს შეასკდა და ნამსხვრევებად იქცა. თავად მრბოლელი მძიმედ დაშავდა. ფრანკიტი სასწაულებრივად გადაურჩა სიკვდილს, თუმცა ტვინის შერყევა, ფეხის მოტეხილობა და ხერხემლის სერიოზული დაზიანება აქვს. ის ჰიუსტონის ჰოსპიტალში მოათავსეს. ავარიის შედეგად რბოლის 13 მაყურებელიც დაშავდა, მათგან ორი შედარებით მძიმე მდგომარეობაში საავადმყოფოშია გადაყვანილი.