სტანისლას ვავრინკამ ნადალს მოუგო და ავსტრალიის ღია პირველობის ჩემპიონი გახდა - პალიტრა ვიდეო

ავსტრალიის ღია პირველობის ფინალში მსოფლიოს პირველმა და მერვე ჩოგნებმა ტიტულის მფლობელის ვინაობა გაარკვიეს. რაფაელ ნადალისა და სტანისლას ვავრინკას მატჩი 2 საათი და 25 წუთი გაგრძელდა. პირველ სეტში ნადალმა დაზიანება მიიღო, რის შემდეგაც კორტიდან გავიდა და სამედიცინო დახმარება გაუწიეს. ყველას სჯეროდა, რომ ესპანელი მატჩში დაბრუნებას და ღირსეულად თამაშს გააგრძელებდა, მაგრამ მეორე სეტიც უბრძოლველად დათმო. ყველაფერი იმისკენ მიდიოდა, რომ ვავრინკა გამარჯვებას იოლად მოიპოვებდა, მაგრამ მან უამრავი შეცდომა დაუშვა და გაჭირვებით მოსიარულე ნადალმა ყველასგან გასაკვირად მესამე სეტში იმარჯვა. მეოთხე სეტში უკვე ნადალს დაღლაც დაეტყო და ტრავმამაც თავი იჩინა. ასე რომ, შვეიცარიელმა სტანისლას ვავრინკამ კარიერაში პირველი დიდი სლემის ტურნირი მოიგო 6/3 6/2 3/6 6/3.