ჰოლანდიის ნაკრებმა ბრაზილიას სძლია და მესამე ადგილი მოიპოვა - პალიტრა ვიდეო

12 ივლისს გაიმართა მატჩი მესამე ადგილისთვის, რომელშიც ერთმანეთს ბრაზილიისა და ჰოლანდიის ნაკრებები დაუპირისპირდნენ.

მე-2 წუთზე არიენ რობენი აკრძალული ილეთით შეაჩერა ტიაგო სილვამ. მსაჯმა პენალტი დანიშნა, რომელიც რობინ ვან პერსიმ გამოიყენა - 0:1.

მე-17 წუთზე დეილი ბლინდმა საჯარიმოში მიიღო ბურთი და ანგარიში 0:2-მდე გაზარდა.

91-ე წუთზე ჟორჟინიო ვეინალდუმმა ანგარიში გამანადგურებელი გახადა - 0:3.

მაშ ასე, მსოფლიოს ჩემპიონატზე მესამე ადგილი ლუი ვან გაალის ნაკრებმა მოიპოვა, ბრაზილია კი მეოთხე ადგილით დაკმაყოფილდა.

www.sportall.ge