საქართველოს კალათბურთელთა ნაკრებმა პორტუგალია დაამარცხა - პალიტრა ვიდეო

17 აგვისტოს საქართველოს კალათბურთელთა ნაკრები, სტუმრად ევროპის 2015 წლის ჩემპიონატის შესარჩევი ეტაპის მესამე შეხვედრაში, პორტუგალიის ეროვნულ გუნდს დაუპირისპირდა.

მატჩის პირველი მეოთხედი ქართველი კალათბურთელების მარცხით, ანგარიშით 14:24 დასრულდა. ჩვენმა ნაკრებმა ვერც მეორე მეოთხედში შეძლო უპირატესობის მოპოვება - 12:21.

მდგომარეობის გამოსწორება იგორ კოკოშკოვის შეგირდებმა მესამე მეოთხედში შეძლეს - 32:19. მეოთხე მეოთხედიც საქართველოს ნაკრების გამარჯვებით დასრულდა (21:15), თუმცა ტაბლოზე ფრე დაფიქსირდა და შეხვედრა ოვერტაიმში გადავიდა - 79:79.

ოვერტაიმში კი ჩვენმა ნაკრებმა საბოლოოდ მიაღწია საწადელს და პორტუგალიის ეროვნული გუნდი ანგარიშით 91:90 დაამარცხა.