პერუელმა პოლიციელებმა სათვალიანი დათვის ბელი - ხუანიტა გადაარჩინეს
პერუელმა პოლიციელებმა სათვალიანი დათვის სახეობის ბელი, სახელად ხუანიტა გადაარჩინეს. პატარა დათვის დედას მონადირეები დაესხნენ თავს. ბრაკონიერები მასაც ჩაიგდებდნენ ხელში, რომ არა პოლიციელების დროული ჩარევა. დაობლებული ბელი ზოოპარკში მყოფ დათვების ოჯახს შეუერთდება. ველურ ბუნებაში ამ დათვის სახეობის მხოლოდ 6 ათასი წარმომადგენელია დარჩენილი.