პოპულარობის მხრივ, პირველ ადგილზე ოჯახთან დაკავშირებული ტატუებია
კალიფორნიაში ტატუების მსოფლიოში ყველაზე დიდი გამოფენა გაიმართა. ღონისძიებას ათასობით ადამიანი დაესწრო, მათ შორის ახალგაზრდა "ტატუ-არტისტები". ამერიკის ამ შტატში "ტატუს ხელოვნებამ", უკანასკნელი წლებია, პოპულარობის პიკს მიაღწია. სტატისტიკის მიხედვით, შტატში მცხოვრები ახალგაზრდების ნახევარს ერთი ტატუ მაინც აქვს. ღონისძიებაში მონაწილე არტისტების განცხადებით, ყველაზე პოპულარული ტატუები ყოველთვის ოჯახთან არის დაკავშირებული. მათ შორის პირველ ადგილზე დედის პორტრეტი ან მის შესახებ წარწერაა.