თბილისის ეგზოტარიუმის დირექტორს ნიანგი დაესხა თავს
ნიანგი, სახელად ნელსონი, რომელიც თბილისის ზოოპარკის ეგზოტარიუმიდან ღია სივრცეში გადაჰყავდათ, თავს დაესხა ეგზოტარიუმის დირექტორს გურამ წიკლაურს და ფეხი გაუკაწრა. ნელსონი შვიდი წელი დახურულ სივრცეში ბინადრობდა, ახლა კი ღია ვოლიერში გადაიყვანეს. ამ ფაქტს "რუსთავი 2"-ის დილის გადაცემის გადამღები ჯგუფი იღებდა და ინციდენტის ამსახველი კადრებიც დააფიქსირა. თავად დაზარალებულის თქმით, იშვიათი შემთხვევაა, როცა ზოოპარკში მსგავსი ინციდენტი ხდება, თუმცა გარეულ ცხოველთან ურთიერთობისას ყველაფერი მოსალოდნელია.