ნაყინის უზარმაზარი ფურგონი ბავშვებს ოცნებებს უსრულებს
ეს ალბათ ისაა, რაზეც ბავშვობაში ყველას გვიოცნებია - ნაყინით სავსე უზარმაზარი მანქანა, რომელიც ქალაქში დადის და საყვარელ ნუგბარს ურიგებს ყველა პატარას. ბრიტანელ ბავშვებს ავტომწარმოებელმა "შკოდამ" ეს ოცნება რეალობად უქცია - ეს მსოფლიოში ნაყინის უდიდესი ფურგონია, საიდანაც კეთილი მენაყინე ბავშვებს გიგანტურ ვაფლის ნაყინს ურიგებს. "შკოდამ" აქცია თავისი ახალი ავტომობილის გამოსვლის აღსანიშნავად მოაწყო. ფურგონი დიდი ბრიტანეთის მთელ ტერიტორიაზე იმოგზაურებს და პატარებს გაუმასპინძლდება.